Lýsing á verkefninu

T&B Systems er alþjóðleg og þverfagleg ráðgjafastofnun á sviði umhverfisrannsókna með mikla sérþekkingu á loftgæðaeftirliti, veðurmælingum og gæðaeftirliti, líkanagerð og greiningu ásamt sérhæfðum rannsóknum og veðurspám.

T&B Systems hafa notað VDV mælikerfi Vista frá árinu 2014 með góðum árangri. Kerfið er notað við loftgæðaeftirlit víðs vegar um Bandaríkin. Meðal verkefna T&B Systems er að leggja fram fullgild og samræmd gagnasöfn til USEPA (U.S. Environmental Protection Agency). USEPA safnar þessum gögnum í eigin gagnagrunn og úr þessum gögnum eru unnar skýrslur um loftgæði sem meðal annars eru lagðar fyrir bandaríska þingið vegna laga um loftgæði (sbr. Clean Air Act).

Vista hefur á undanförnum misserum unnið að öflugri QAQC (gæðatryggingar og gæðaeftirlits) viðbót fyrir loftæðaeftirlit í VDV. Þessi lausn hefur nýst T&B Systems gífurlega vel en í kjölfarið fékk fyrirtækið Vista til að þróa sértæka viðbót við VDV sem gerir þeim kleift að flytja gögn með mjög einföldum hætti úr VDV kerfinu í gagnagrunn USEPA. Með þessari viðbót fæst mikill tímasparnaður auk þess sem hætta á mannlegum mistökum við færslu gagnanna minkar til muna.

Samstarf Vista og T&B Systems á sviði loftgæðamælinga er áframhaldandi og mun gera Vista kleift að vera í fararbroddi meðal fyrirtækja sem bjóða hugbúnaðarlausnir fyrir loftgæðaeftirlit.

“Vista Data Vision was paramount in producing a validation tool with the QA/QC module enhanced with the AQS formatting and exporting functionality”.

— David L. Yoho, Staff Scientist

Tæknibúnaður

Fyrir áhugasama þá er búnaður í mælistöðvum T&B Systems eftirfarandi:

Sutron Xlite gagnatölva, vindhraða- og stefnuskynjarar, hitastigs- og rakastigskynjarar ásamt loftþrýstingsnemum  frá Climatronics og R.M. Young. Sólgeislapyranómetrar frá Kipp & Zonen og úrkomumælar frá Texas Electronics.

Loftgæðamælibúnaðurinn inniheldur einnig svifryks- og ósonmæla sem framleiddir eru af Teledyne API og Thermo Scientific.

Gögn frá mælistöðvum eru skráð og geymd á Sutron Xlite gagnatölvum. T&B Systems ber ábyrgð á reglulegu eftirliti með gögnum í gegnum AutoPoll hugbúnað. Samskipti gagnatölva fer fram með Ethernet samskiptum.

Hver mælistöð vaktar ákveðin veðurfars- og umhverfisgæðaviðmið, þar með talið styrk PM10 og PM2.5, styrk ósons (O3), vindhraða, vindátt, lofthitastig, hitastig daggarmarka, geislun sólar, loftþrýsting, sólgeislun og úrkomu.

Verkfræðistofan Vista Lynghálsi 9 110 Reykjavik | Kennitala: 620102-3260