Ef hægt er að setja fram áreiðanlegar tölur þá er hægt að gera áætlun. Þetta á ágætlega við um umferðartalningu þar sem auðvelt er að átta sig á umfangi ef talning er til staðar.

Umferðarteljarar eru af ýmsum flokkum, þeirra helstir eru radar, segullykkja og ljósauga. Hver flokkur hefur sitt notagildi. Víða hefur umferð eftir smávegum aukist og þá er upplagt að setja radarteljara sem telur í báðar akstursstefnur. En það er með umferðartalningu eins og aðrar mælingartölur; þær verða því betri sem þær eru aðgengilegri og betur settar fram. Verkfræðistofan Vista útvegar allan búnað, sér um að sækja umferðargögn og birta á skipulagðan hátt ásamt allri skýrslugerð.