Vista

Orkueftirlit – Von Harðfiskverkun

10/11/2023/in Fréttir /by Heiðar

Vista hefur sett upp virkt orkueftirlit hjá VON Iceland Harðfiskverkun. Getur Von fylgst með orkunotkun í raun-tíma í gegnum Vista Data Vision vefkerfi Vista. Gott eftirlit með orkunotkun er nauðsynlegt til að koma í veg fyrir orkusóun og tryggja hámarksnýtingu á orku. Orkukostnaður er oft falinn kostnaður í rekstri fyrirtækja, með mælingum er hægt að ná fram umtalsverðum sparnaði. Vista býður Von velkomna í hóp viðskiptavina Vista sem nýta sér orkueftirlitsþjónustu Vista.

Uppsetning á orkueftirliti var mjög einföld, með því að setja upp púlsteljara við orkumælinn frá HS-Veitum. Hver púls segir til um ákveðið magn af notaðri orku. Púlsteljarinn er með innbyggðu NB-IoT modemi sem hringir gögnin í ský lausn Vista (Vista Data Vision). Er þá hægt að fylgjst með orkunotkun í nær raun-tíma og bregðast hratt og örugglega ef orkunotun er of mikil. Orkusóun er viðvarandi vandamál á Íslandi og með einföldum hætti er unnt að fá skýra mynd af orkunotkun fyrirtækja.

Hita- og kælieftirlit Vista – Lyfjaþjónusta Landspítala

06/10/2023/in Almenn fróðleikur, Fréttir /by Heiðar

Lyfjaþjónusta Landspítalans hefur tekið í noktun hita- og kælieftirlit frá Verkfræðistofunni Vista. Nú þegar sinnir Vista hita- og kælieftirliti fyrir fjölmargar deildir Landspítalans og Blóðbankans.

Lyfjaþjónustan er því nýjasti viðskiptavinur Vista þegar kemur að eftirliti með lyfja-, blóð- og sýnaskápum.

Notaðir eru hitanemar sem skrá og geyma upplýsinar um hitastig og er öllum mæligögnum safnað í raun-tíma í Vista Data Vision kerfið. Mikilvægt er að fylgjast með hitastigi á hinum ýmsu gerðum kæliskápa sem eru í rekstri á Landspítala til að tryggja öryggi lyfja og sýna. Kerfið er að fullu þráðlaust og notast við Bluetooth og/eða NB-IoT fjarskiptatæknina, næst þannig mikil hagræðing þar sem ekki þarf að leggja neinar lagnir. Enda er oft erfitt að leggja lagnir í gömlum byggingum. Skáparnir í eftirliti eru afar fjölbreyttir þar sem hitastig er frá -180°C upp í herbergishita.

Svifryksmælingar Bíldudal

10/08/2023/in Fréttir /by Heiðar

Íslenska kalkþörungafélagið, Vatnaskil og Vista hafa sett upp svifryksmæla í Bíldudal. Uppsetning mælana er hluti af rannsóknarvinnu ÍSKALK við að mæla og met magn svifryks sem kemur frá athafnarsvæði ÍSKALK við höfnina í Bíldudal.

Uppsetning og stillingar

Mælarnir voru staðsettir í bænum út frá leiðbeiningum Vatnaskila til að ná sem bestum heildarmælingum á svifryki. Allir 3 mælarnir eru með ultrasonic vindnema sem segir til um vindstyrk og vindhraða, er það mjög miklvægt að hafa vindmælingar til að geta metið uppruna svifryksins. Mælarnir eru að mæla svifryk af mismunandi stærðum, ásamt því að mæla gastegundirnar NO, NO og NOx.

Mælunum var komið fyrir á stálstöngum sem standa á forsteyptum einingum og stagað með vír. Búið var að setja upp staura og stög áður en starfsmenn Vista mættu á staðinn og komu mælum fyrir. Tryggja þarf stillingar á mælum og kvarða vindátt sem hluti af uppsetningu. Allt verkið tók því um 6 tíma og er það mjög heppilegt að það er flogið tvisvar á dag (Norlandair) á uppsetningar daginn. Var hægt að fljúga að morgnin og vera kominn aftur í bæinn seinni part dags, var undirbúningur og forvinna lykillinn að því.

Mælingar og útbúnaður

Búnaðurinn sem var valinn er frá AQMesh og hefur verið notaður á Íslandi í nokkur ár með góðum árangri. Mælarnir eru einfaldir í notkun og auðveldir í uppsetningu. Mælarnir henta mjög vel þar sem fókus mælinga er svifryk og algengar gastegundir (e. particule matter). Mælarnir geta greint nokkrar stærðir af svifryki.

PM 1
PM 2.5
PM 4
PM 10
NO
NO2
NOx
CO2 (einn mælir)
CO (einn mælir)
Hita- og rakastig

Gagnasöfnun

Gögnum verður safnað saman í 6 mánuði, að þeim tíma liðnum þá mun sérfræðingar á vegum Vatnaskila skila af sér sínum niðurstöðum. Mælarnir senda frá sér gögn á 1 klst fresti inn í Vista Data Vision skýlausnar kerfi Vista. kerfið býður upp á marga möguleika við að birta gögn og framsetningu, sjá myndir neðar.

Framsetning mælinga

Mælarnir 3 eru sýndir á yfirlitsmynd ásamt klst gildum mælinga.

Vindrósir sýna styrk og vindátt

Sjónræn framsetning á mælingum getur aukið til muna skilning allra þeirra sem koma að verkefninu.

Íslenska Kalkþörungafélagið

Íslenska kalkþörungafélagið ehf. var stofnað að frumkvæði Atvinnuþróunarfélags Vestfjarða árið 2001. Félagið stóð fyrir því að gerð var matsskýrsla á námi kalkþörungasets í Arnarfirði. Þann 17. desember árið 2003 var skrifað undir vinnsluleyfi til handa félaginu.

Vatnaskil

Vatnaskil er ráðgjafarfyrirtæki með höfuðstöðvar í Reykjavík og starfsstöð á Akureyri. Allt frá stofnun árið 1982 hefur fyrirtækið veitt ráðgjöf á flestum sviðum auðlinda- og umhverfismála, t.a.m. þeim sem lúta að yfirborðsvatni, grunnvatni, sjávarstraumum, loftgæðum, vindafari og jarðhita.

Ýtarefni:

Svifryk

Vinnueftirlitið fíngert ryk

Nýr samningur um loftgæðaeftirlit Vista og ON

28/03/2023/in Fréttir /by Heiðar

Verkfræðistofan Vista, í samstarfi við Orku Náttúru, hafa gert með sér samning um eftirlit á loftgæðastöðvum sem eru í eigu Orku Náttúru.

Vista tekur að sér rekstur loftgæðamælistöðva við Hellisheiðarvirkjun, Nesjavallavirkjun, Hveragerði, Norðlingaholt,Lækjarbotna og Lambhaga í Úlfarsárdal. Einnig tilheyrir verkefninu sjálfstæð veðurstöð á Bolavöllum staðsett vestan við Hellisheiðarvirkjun sem og móttaka og birting veðurmælinga og umsjá tveggja veðurstöðva í eigu Vegagerðarinnar á Sandskeiði og á Hellisheiði miðri.

Öllum gögnum er safnað saman í skýjalausn Vista , Vista Data Vision og eru þar aðgengileg. Starfsmenn Vista tryggja öruggar mælingar með reglubundnu viðhaldi og kvörðun mælibúnaðar.

Starfsmenn Vista þakka það traust sem þeim er sýnt með að fá svona veigamikið verkefni sem krefst mikillar nákvæmni og vandvirkni.

Vista hefur áratuga reynslu af því sinna viðhaldi og fyrirbyggjandi þjónustu þegar kemur að loftgæðamælum. Heyrðu í okkur vista@vista.is

Þorskafjörður – Uppsetning á aflögunarmæli

13/01/2023/in Fréttir /by Heiðar

Verkfræðistofan Vista, í samstarfi við Vegagerðina, hefur lokið við að setja upp aflögunarmæli (e. Shape Acceleration Array) í vegstæði þar sem vegurinn þverar Þorskafjörð. Þverun Þorskafjarðar er hluti af vegaframkvæmdum á sunnanverðum Vestfjörðum sem er ætlað að bæta til muna alla umferð íbúa og ferðamanna, Vestfjörðum til hagsbóta (sjá á vef Vegagerðar) .

Verkefnið

Um er að ræða fyrsta mælinn af þessu tagi frá Measurand sem settur er upp á Íslandi til að mæla jarðvegsaflögun á láréttan flöt, en aðferðin hefur verið notuð í Noregi til dæmis þar sem verið er að koma fyrir fyllingum í sjó og þvera firði. Hérna má lesa um lóðréttar uppsetningar sem hafa verið gerðar fyrir Veðurstofu Íslands fyrir ofan Seyðisfjörð og Eskifjörð. Sjálfvirkum mælingum sem þessum er ætlað að koma í staðinn fyrir sigslöngumælingar sem hafa verið gerðar handvirkt á verkstað hingað til. Sigslöngumælingarnar eru tímafrekar auk þess sem veður þarf að vera stillt og því hafa mælingar ekki verið tíðar. Með þessu móti er vonast til að hægt sé að fylgjast betur með sigi, ná fram tímasparnaði og minnka áhættu þegar verið er að fergja vegstæði. En mikilvægt er að farg sé sett á í áföngum og að undirlag fái tíma til að jafna sig milli fergingarlaga, en þá er einnig mikilvægt að fullnægjandi sig eða aflögun sé komið fram áður en vegur er fullkláraður með slitlagi.

*Verið að gera rásina klára þar sem mælirinn á að liggja og þvera veginn. Aðstæður voru mjög krefjandi og þurfti að bíða eftir fjöru til að sæta færis.*

Framkvæmd á verkstað

Aflögunarmælirinn var settur niður vestan við brúarstæðið í Þorskafirði. Suðurverk, sem fer með framkvæmd verksins, gerði rás þar sem mælinum var komið fyrir í -0,5 m.y.s, en mælirinn er 50 metra langur og hver hlekkur 1 meter á lengd. Til að verja mælinn fyrir skemmdum, og þannig að endurheimta mætti mælinn, var hann settur í 50 mm plaströr. Mælirinn mælir aflögun milli hlekkja í undirlaginu sem er undir farginu, en upplausn mælinganna (e. resolution) fyrir hvern meter upp á 0,012 mm og nákvæmnin (e. precision) er 0,09 mm per meter. Tekin er mæling á fjögurra tíma fresti sem er send í skýjalausn Vista (Vista Data Vision), en gott fjarskiptasamband er á staðnum og því auðvelt að senda gögnin með GSM módemi. Einnig voru settar niður sigplötur í og við rásina þannig að bera megi saman mælingarnar og sannreyna niðurstöður. Frágangur á verkstað á að tryggja að hægt sé að ná mælinum úr kápunni (rörinu) að verki loknu og nýta aftur á öðrum stað.

*Unnið að undirbúningi áður en mælirinn er settur í 50 mm rörið. Hérna sjást 1 metra langar mælistikur á keflinu.*

*Búið að koma mælinum fyrir í rör og leggja í rás.*

Krefjandi aðstæður

Þorskafjörður er krefjandi staður að vetri og gætir mikils muns á flóði og fjöru. Koma þurfti mælinum fyrir á fjöru og þegar fyrsta lag fyllingar var á þurru, var því knappur tími til stefnu og þurfti allt að ganga upp í fyrstu atrennu. Starfsmenn Suðurverks voru búnir að vinna góða undirbúningsvinnu sem var nauðsynleg áður en hægt væri að koma mælinum fyrir í rásinni. Ekki hefði verið hægt að koma mælinum fyrir á stórstreymi sem verður 23.janúar, en þá verður yfir 4 metra munur á flóði og fjöru.

*Lokaprófanir framkvæmdar, allt gekk að óskum!*

„Vegagerðina ákvað að setja niður aflögunarmæli sem hluta af brúun Þorskafjarðar til að sjá hvort þessi mæliaðferð myndi nýtast við erfiðar íslenskar aðstæður.”
Oddur Sigurðsson Hagalín Verkefnastjóri Framkvæmdadeild

Niðurstaða

Nú þegar er mælirinn farinn að skila niðurstöðum í Vista Data Vision hugbúnðarkerfið, og verður spennandi að sjá samanburð mælinga sigplatna og aflögunarmælis.
Ef allt gengur að óskum má endurnýta mælirinn á öðrum stað í öðru verkefni, sem þá gefur betri mynd af því hvenær undirlag vegar er orðið stöðugt.

*Mælingar strax farnar að skila sér og sýna jarðvegssig*!

Þakkir

Við þökkum starfsmönnum Suðuverks fyrir einstaka hjálpsemi og viðmót. Var vel hugsað um okkur í Bjarkalundi með gistingu og mat. Þá er mjög ánægjulegt að vinna með fyrirtæki eins og Vegagerðinni sem er tilbúin að þróast og prófa nýja tækni til að sinna sínum verkefnum enn betur.

Ýtarefni

Hvað er BREEAM ?

29/11/2022/in Almenn fróðleikur, Fréttir /by Heiðar

BREEAM (British Research Establishment Environmental Assessment Method) er alþjóðlegt vottunarkerfi sem er upp runnið í Bretlandi. Það er í grunninn umhverfismatskerfi sem hefur það markmið að draga úr áhrifum mannvirkja á umhverfið við hönnun, þróun og byggingu þeirra en einnig að dregið sé úr neikvæðum áhrifum á líftíma mannvirkjanna.

Unnt er að nota BREEAM vottunarkerfið á allar tegundir bygginga, þ.m.t. nýbyggingar, endurgerðar byggingar og byggingar í rekstri. Með vottunarkerfinu er fjórir megin þættir sem taka þarf tillit til, sjálfbærni, samfélag, efnahagur og umhverfi.

Hvernig virkar BREEAM ?

BREEAM er notað um allan heim og er grunnurinn að BREEAM International. Nokkur lönd hafa reyndar gengið skrefi lengra og aðlagað staðalinn að þarlendum aðstæðum og bera þá mismunandi vottun t.d. í Noregi er notast við BREEAM-NOR.

BREEAM International fylgir kröfuramma fyrir flestar tegundir bygginga hvort sem þær eru íbúðarhús, stofnanir eða fyrirtæki. Nái húsnæði ekki að falla að öllum flokkum vottunarinnar er hægt að gera sniðin kröfuramma um viðkomandi byggingu sem nefnist þá BREEAM International Bespoke kerfi.

Vottunarferlið felur í sér að fá óháðan matsmann með réttindi fyrir BREEAM vottunarferli til þess að gera úttekt á mannvirkinu á hönnunarstigi og leggur hann þá mat á hönnun og notkun bygginga út frá matskerfinu. Einnig þarf matsmaður að gera lokaúttekt í fullbúinni byggingu. Að því loknu leggur matsmaður fram endanlega matsskýrslu til BREW Global Lt.d sem gefur út vottunarskjal. Á íslandi vinna viðurkenndir matsmenn fyrir BREEAM vottunarkerfið og veita ráðgjöf við vistvottun fyrir byggingar.

BREEAM kerfinu er skipt upp í 10 umhverfisáhrifaflokka. Hver flokkur hefur mismikið vægi og eru gefin ákveðin stig fyrir hvern flokk en stigin eru mismörg eftir vægi flokksins og einnig fara stigin eftir byggingartegund hverju sinni. Til þess að bygging standist vottun þarf hún að ná að minnsta kosti 30% stigum af byggingareinkunnkerfisins.

Þeir tíu umhverfisáhrifaflokkar í vottunkarkerfi BREEAM eru talir hér upp út frá vægi þeirra:

orka,
heilsa og vellíðan,
byggingarefni,
umhverfisstjórnun,
landnotkun og vistfræði,
mengun,
nýsköpun,
samgöngur
úrgangur
vatn

Matsferlið gefur færi á að draga úr rekstrarkostnaði eigna. Það hjálpar einnig til að uppfylla staðla og umhverfislöggjöf ásamt því að gefa betri yfirsýn, hámarka árangur í umhverfismálum, efla innri úttektir, rýniferli, gildi og söluhæfni eignar.

Af hverju er þetta mikilvæg vottun?

Það er að sjálfsögðu hægt að byggja mannvirki án þess að styðjast við ákveðin vottuð kerfi með það háleita markmið í huga að ferlið við það sé vistvænt. Hins vegar er hvorki hægt að tryggja né ganga úr skugga um að rétt sé staðið að málum og vistvænasta leiðin farin í öllu ferlinu. Án vottunar er ekki hægt að fullyrða að um umhverfisvæna byggingarferli sé um að ræða og hægt að efast um ferlið.

BREEAM fylgir viðurkenndu vottunarkerfi svo stuðst sé við kröfuramma við allt það ferli sem fylgir því að byggja mannvirki sem heildarlausn. Frá þeim fjölmörgu þáttum sem felur í sér það ferli að byggja eins og hönnun, verktíma, rekstrartíma og orkunotkun á sem vistvænasta máta. Markmið vottunarkerfisins felur því í sér að tryggja að byggingar verði umhverfisvænni, dragi úr neikvæðum umhverfisáhrifum, byggingar verði hagkvæmari í rekstri, að ferlið bæti líftíma bygginga og stuðlar að umhverfisvænni hönnun svo að notendur búi og starfi í heilsusamlegu umhverfi.

Að viðhalda ákveðnum vistvænum markmiðum

Til að viðhalda þeim markmiðum sem sett eru fram í umhverfisáhrifaflokki í vottunkarkerfi BREEAM þá býður Vista upp á bæði ráðgjöf og búnað. Hvort sem það er í flokki orkueftirlits, heilsu og vellíðan, úrgang og vatn.

Í flokki orkueftirlits er boðið upp á búnað til orkumælingar og hitaeftirlits.

Í flokki úrgangs og vatns er boði upp á mengunarmæla og rennslismæla.

Í flokki heilsu og vellíðan eru meðal annars þessir loftgæðamælar:

AQMesh – Harðgerður loftgæðamælir frá AQMesh til mælinga og eftirlits á loftgæðum utan- og innandyra. AQMesh getur mælt og haft eftirlit með allt að sex mismunandi gastegundum, svifryki/eindum, hljóði, vindhraða, vindátt og loftþrýstingi, hita -og rakastigi. Þeir ná að mæla agnir PM1#5 , PM 2.5#5, PM4#5 og PM10#5.

Awair Omni – Innanhúss loftgæðamælir er hannaður til að mæla og hafa eftirlit með loftgæðum hjá fyrirtækjum og stofnunum til að stuðla að heilbrigðum og öruggum loftgæðum á vinnustað. Þeir mæla rokgjörn lífræn efnasambönd í lofti ásamt hita og rakastigi, þá má greina hvort hugsanlega sé myglusveppur að vaxa í húsnæðinu. Þeir ná að mæla agnir af stærð 2,5 míkrómetra eða minni (PM 2.5#5).

Ýtarefni fyrir BREEAM

BREEAM | BRE Group

Húsnæðis- og mannvirkjastofnun

Grænni byggð

Hljóðmælingar

27/10/2022/in Almenn fróðleikur, Fréttir, Viskubrunnur /by Heiðar

Hvað er hávaði

Hávaði er hugtak þar sem átt er við óæskileg eða hávært hljóð sem hefur truflandi áhrif á fólk. Hávaði er mældur í desibelum (dB). Misjafnt er hvaða áhrif hávaði hefur á fólk þar sem styrkur, tímalengd og tíðni hljóðs getur verið ólíkur eftir aðstæðum. Langvarandi hávaði getur haft líkamleg og andleg áhrif og meðal annars valdið þreytu, streitu, minni einbeitningu o.fl. Mikilvægt er því að hávaði á vinnustöðum skuli vera viðunandi og ekki hærri en svo að fólk geti starfað við eðlileg skilyrði. Sé hávaði viðvarandi á vinnustöðum er mikilvægt að draga úr honum áður en hann fer yfir ákveðin mörk bæði til að verja heyrn og öryggi starfsmanna.

Afhverju eru hljóðmælingar mikilvægar

Daglega er hávaði alls staðar í umhverfi okkar og geta uppsprettur hans verið margvíslegar, bæði í vinnuumhverfinu, tómstundum og á heimilum. Hávaði getur leitt til varanlegs heyrnatjóns og valdið aðstæðum þar sem slys verða. Í aðstæðum þar sem margt fólk safnast saman getur hávaðinn verið verri ef rýmið er með lélega hljóðvist. Hávaði truflar alla starfsemi og hefur áhrif á einbeitningu starfsmanna og gerir vinnuaðstæður erfiðari

Í reglugerð Nr. 921/2006 um varnir gegn álagi vegna hávaða á vinnustöðum er að finna neðri og efri viðbragðsmörk og viðmiðunarmörk fyrir hávaða.

Neðri viðbragðsmörk eru 80 dB(A) – heyrnahlífar skulu vera til staðar ef hávaðinn nær þessu marki.
Efri viðbragðsmörk eru 85 dB(A) – Þegar þessum mörkum er náð er skylda að nota heyrnahlífar
Viðmiðunarmörk eru 87 dB(A) – Í engum tilvikum má hávaði sem starfsmenn búa við fara yfir þessi mörk að jafnaði á átta stunda vinnudegi

Titringsmælingar á gólfplötu við útvegg.

Hvað er hægt að gera

Það sem öll þessi hávaða mörk eiga sameiginlegt er hversu mikilvægt er að vernda heyrn okkar. Með mælingu á hávaða er hægt að draga úr afleiðingum hans á heyrn fólks en til þess þarf að vera til staðar mælar sem gefa til kynna þegar sú þörf er til staðar. Til þess að koma í veg fyrir hávaða þarf að finna upptök hans og mæla hann. Hægt er að mæla hljóð á mismunandi vegu hvort sem það eru t.d. staðbundnar mælingar, tíðnigreiningar o.fl.

Ástæðan fyrir því að hljóð eru mæld á mismunandi vegu eru að það dugar ekki alltaf sama lausn við lágtíni- og hátíðnihávaða.

Vista Verkfræðistofa býður upp á ráðgjöf er varðar hávaða, sinnir almennri ráðgjöf, mælingum sem og endurbótum. Með ráðgjöf frá okkur getum við hjálpað við að finna lausnir til þess að draga úr hávaða eins og kostur er og stuðla að því að þær ráðstafanir sem gerðar eru til að draga úr hávaða komi að notum.

Hljodmaelingar-NSRT-MK3 — Fáðu ráðgjöf hjá okkur og við finnum lausn sem hentar þér vista@vista.is

Svifryk

24/10/2022/in Almenn fróðleikur, Fréttir /by Heiðar

Hvað er í andrúmsloftinu sem við öndum að okkur ?

Andrúmsloftið samanstendur af blöndu af gastegundum. Í þurru lofti við meðalhita er nitur 78% þess og súrefni 21%. Afgangurinn eða 1% samanstendur af nokkrum gastegundum í litlu magni sem þó eru mikilvægar jörðinni. Auk þess eru í andrúmsloftinu ógrynni ýmis konar agna bæði í vökva- og í föstu formi. Stærð agnanna sem eru í andrúmsloftinu er mjög breytileg. Yfirleitt eru agnir á bilinu 10-15 µm (µm = míkrómetrar, 1 µm = 0,001 mm) í þvermál taldar til fallryks enda falla agnir af þessari stærð og stærri til jarðar nálægt mengunaruppsprettum

Hvað er svifryk ?

Agnir undir 10 µm teljast til svifryks (PM: Particulate Matter) enda geta þær borist um lengri veg fyrir áhrif vinda. Stærri agnir falla til jarðar nálægt mengunaruppsprettum en þær minni geta borist lengra með lofti og inn á íverustaði fólks. Svifryki er skipt í gróft svifryk, sem er á bilinu 2,5 – 10 µm, og fínt svifryk sem er undir 2,5 µm. Stundum er einnig talað um mjög fínt svifryk sem er undir 1 µm. Fínar svifryksagnir eru flestar af mannavöldum eins og frá bruna eldsneytis, sót, steinryk, málmryk, súlfat, kalk, salt, slit á malbiki og fleira. Grófari svifrykagnir eru flestar frá náttúrunni eins og frjókorn, eldgosi, sjávarúða ,sandi og silt.

Umhverfisáhrif eins og veðurskilyrði geta skapað mismunandi aðstæður fyrir myndun svifryks, dreifingu þess og þar með þau áhrif sem svifryk getur haft á umhverfið. Þar má nefna:

Nagladekk valda sliti á malbiki og því mælist meira svifryk á veturna en á öðrum árstímum.
Stillt og þurrt loft á veturna getur valdið því að ekki verði mikil hreyfing á loftinu sem hefur í för með sér að mengun getur safnast upp.
Veruleg mengun getur fylgt mikilli umferð og þá helst við stórar umferðargötur og nálægð við iðnað.
Mikið rok veldur oft að jarðvegur fýkur sem orsakar svifryk.
Mikið blautviðri getur dregið úr svifryksmyndun þar sem ögnunum rignir niður.

Í reglugerð nr. 920/2016 kemur fram að markmið hennar sé að halda loftmengun af völdum brennisteinsdíoxíð, köfnunarefnisdíoxíð og köfnunarefnisoxíð, bensen, kolsýring, svifryk og blý í andrúmsloftinu utandyra í lámarki. Ákveðin viðmiðunarmörk hafa því verið sett fram til að fylgjast með styrk mengunarefna í andrúmsloftinu og eru þau misjöfn eftir tegundum. Efri mörkin eru 50 µg/m³ miðuð við meðaltalssólarhringsstyrk. Þessi mörk eru sett fram til þess að hægt sé að grípa til viðeigandi ráðstafna varðandi heilsuverndarmörk sem eiga að tryggja heilsu manna til lengri tíma.

Hvaða áhrif hefur svifryk á heilsu og líðan fólks?

Svifryk hefur verið tengt við margvíslega þætti er varða heilsu og líðan. Þrátt fyrir að svifryk innihaldi ekki alltaf eitruð efni, geta smáar agnir sem fólk andar að sér haft skaðleg áhrif á heilsu fólks. Svifryk hefur verið tengt við lungna-, hjarta- og æðasjúkdóma og krabbamein. Því smærra sem svifrykið er því lengra komast agnirnar niður í lungun og geta valdið meiri heilsuskaða.

Sót er mjög fínt ryk sem inniheldur ýmiss eiturefni. Það getur myndast við slit á malbiki. Þá losa díselmótorar þ.m.t dieselbifreiðar umtalsverðu sóti út í andrúmsloftið. Þar bindast skaðleg efni eins og brennisteinsdíoxíð (SO₂) og brennisteinssýra H₂SO₄við sótagnirnar. Malbik inniheldur einnig svonefnd PAH-efni (Poly Aromatic Hydrocarbons) þ.e. fjölhringja arómatísk kolvetnissambönd sem eru mjög heilsuspillandi.

Þar sem minnstu rykagnirnar geta borist niður í öndunarfærin valda þau mestum heilsuskaða. Áhrifin fara svo eftir því hve lengi og oft einstaklingur andar að sér menguðum og skaðlegum efnum úr loftinu. Almennt finna viðkvæmir hópar mest fyrir áhrifum svifryksins eins og aldraðir, börn og fólk með undirliggjandi öndunarfæra- og/eða hjartasjúkdóma en þessir hópar geta orðið fyrir miklum óþægindum sem geta leitt af sér langtímaáhrif þegar svifryksmengun er í hámarki.

Hvernig er unnt að fylgjast með svifryksmengun innandyra?

Það eru til mælar sem henta heimilum og vinnustöðum til að fylgjast með lofgæðum, raka og hita. Þeir koma að góðu gagni við að meta hvort eiturefni sé komin yfir skaðlegt mörk í nærumhverfi okkar. Vista Verkfræðistofa bíður upp á úrval af mælum, meðal annars:

Awair Element – Innanhúss loftgæðamælir greinir svifryk og eiturefni í lofti innandyra. Þeir mæla fyrir rokgjörn lífræn efnasambönd í lofti ásamt hita og rakastigi, þá má greina hvort hugsanlega sé myglusveppur að vaxa í húsnæðinu. Þeir ná að mæla agnir af stærð 2,5 míkrómetra eða minni (PM 2.5^#5).

Awair Omni – Innanhúss loftgæðamælir er hannaður til að mæla og hafa eftirlit með loftgæðum hjá fyrirtækjum og stofnunum til að stuðla að heilbrigðum og öruggum loftgæðum á vinnustað. Þeir mæla rokgjörn lífræn efnasambönd í lofti ásamt hita og rakastigi, þá má greina hvort hugsanlega sé myglusveppur að vaxa í húsnæðinu. Þeir ná að mæla agnir af stærð 2,5 míkrómetra eða minni (PM 2.5^#5).

AQMesh – Harðgerður loftgæðamælir frá AQMesh til mælinga og eftirlits á loftgæðum utan- og innandyra. AQMesh getur mælt og haft eftirlit með allt að sex mismunandi gastegundum, svifryki/eindum, hljóði, vindhraða, vindátt og loftþrýstingi, hita -og rakastigi. Þeir ná að mæla agnir PM1^#5, PM 2.5^#5, PM4^#5 og PM10^#5.

Hvað er hægt að gera til að draga úr svifryki

Stöðugar mælingar meðal annars hjá stórum umferðagötum gera okkur kleift að fylgjast með og gera ráðstafanir þegar mikið magn svifryks finnst í loftinu.

Draga má af því sem kom hér fram að ofan að með því að stuðla að minni notkun nagladekkja sé hægt að draga verulega úr svifryksmengun en aðrir áhættuþættir eru umferðaþungi og malbiksgerð. Hreinsun og rykbinding gatna dregur úr svifryki.

Á meðan svifryk finnst í lofti er því mikilvægt að ná að fylgjast með því innan-dyra og utan og hefur Vista upp á fjölmargar lausnir sem henta til mælinga á svifryki.

Vista og Flashnet í samstarf

07/09/2022/in Fréttir /by Heiðar

Vista er orðinn formlegur samstarfsaðili Flashnet á íslandi. Flashnet sérhæfir sig í lausnum fyrir götuljósastýringar, bæði hugbúnað og vélbúnað.

InteliLight hugbúnaður frá Flashnet og stýringar hafa náð miklum vinsældum á undanförnum árum þar sem hægt að nýta lausnina fyrir margar gerðir af lömpum. Komið er þannig í veg fyrir kerfislæsingu (e.vendor lock-in) frá birgjum og veitir þannig hámarksfrelsi til að velja bestan búnað hverju sinni.

Sveitar- og bæjarfélög sem ætla að ná stjórn á ljós- og orkunotkun almennt ættu að huga að því að velja kerfi sem bíður upp á hámarks sveigjanleika.

Samstarfið gerir Vista kleyft að bjóða upp á hugbúnaðarlausnir frá Flashnet ásamt lausnum Vista til að ná fram heildarlausn á öllum stýringum sem varða götuljósastýringu og orkueftirlit.

Hvað er InteliLIGHT

inteliLIGHT® is a smart street lighting remote management solution that ensures that the right amount of light is provided where and when needed. In-depth grid management gives an accurate real-time feedback of any change occurring along the grid, reduces energy loss, and offers advanced maintenance optimization tools. Using the existing infrastructure, you save money and transform the existing distribution level network into an intelligent infrastructure of the future.

Autonomous on/off and dimming
Grid awareness and optimization
Maintenance scheduling
Smart city integration

Stýring á götuljósum á einfaldan máta. — Stýring á götulömpum

Spennandi tímar hjá Vista

03/05/2021/in Fréttir /by Heiðar

Verkfræðistofan VISTA og Bentley Systems hafa gengið frá samningi um kaup Bentley Systems á hugbúnaðarlausninni Vista Data Vision (VDV) af VISTA.

Með kaupunum eignast Bentley Systems allan erlendan rekstur VISTA sem snýr að þróun og sölu VDV.

Starfsemi Verkfræðistofunnar VISTA á Íslandi verður óbreytt og mun stofan áfram nýta Vista Data Vision í sínum verkefnum og þjónusta notendur þess innanlands við sjálfvirka gagnasöfnun og eftirlit. Heiðar Karlsson mun taka við stöðu framkvæmdastjóra VISTA af Þórarni Andréssyni sem mun leiða starfsemi Vista Data Vision undir stjórn Bentley Systems. Þetta kemur fram í tilkynningu frá VISTA.

Þórarinn Örn Andrésson, framkvæmdstjóri Vista Data Vision:

„Kaup Bentley Systems á Vista Data Vision er gríðarleg viðurkenning á þeirri vinnu sem starfsfólk VISTA hefur lagt á sig við að byggja upp rekstur VDV og gera það að leiðandi vöru á heimsvísu. Við teljum að með því að tengjast Bentley Systems, og þeirra fjölbreytta vöruúrvali, opnist fjölmörg tækifæri að þróa VDV inn á nýja og spennandi markaði.”

Heiðar Karlsson, framkvæmdstjóri VISTA:

„Þetta eru spennandi tímar fyrir Verkfræðistofuna VISTA, við sjáum nú fram á að styrkja stöðu okkar sem leiðandi fyrirtæki á sviði sjálfvirkra mælinga sem tryggja öruggan rekstur okkar viðskiptavina.
Tækifærin eru víða og með þessum breytingum verða verkefni stofunnar skýrari og við getum einbeitt okkur af fullum krafti að kjarnastarfseminni, rekstri rauntímaeftirlitskerfa.
Við munum að sjálfsögðu nota VDV í okkar verkefnum áfram og þjónusta viðskiptavini okkar í gegnum hugbúnaðinn í góðu samstarfi við Vista Data Vision. Þessar breytingar munu ekki koma til með að hafa nein áhrif á okkar viðskiptavini. Með sölunni sjáum við fram á að hugbúnaðurinn muni eflast til mikilla muna með hraðari vöruþróun.”

Um Verkfræðistofuna VISTA

Verkfræðistofan VISTA var stofnuð 1984 af Andrési Þórarinssyni. Stofan hefur verið leiðandi í rekstri rauntímaeftirlitskerfa á Íslandi. Viðskiptavinir á Íslandi eru meðal annars Landsvirkjun, HS Orka, Veðurstofa Íslands, Landspítali og mörg stærstu sveitarfélög landsins.

Meðal verkefna má nefna umhverfismælingar, orkueftirlit í mannvirkjum, eftirlit með veitukerfum og snjallborgarlausnir, svo sem eftirlit með djúpgámum, loftgæðum og ljósastýringar.

Um Vista Data Vision

VDV hugbúnaðurinn hefur verið í þróun síðustu tvo áratugi og er hannaður til þess að auðvelda eftirlit og meðhöndlun mæligagna.

VDV hefur verið leiðandi í þróun og útgáfu á hugbúnaði sem sérhæfir sig í framsetningu á rauntíma mæligögnum. Hugbúnaðurinn er notaður í yfir 2000 verkefnum víðsvegar um heiminn og birtir gögn daglega frá hundruðum þúsunda nema. Sem dæmi um slík verkefni má nefna vatnsaflsstíflur, gangnagerð og námur víða um heim.

Exxon Mobil, Fugro, SNC Lavalin, Alcoa og Vale eru meðal fjölmargra alþjóðlegra notenda VDV.

Um Bentley Systems

Bentley Systems er leiðandi fyrirtæki á heimsvísu í hugbúnaðargerð fyrir byggingariðnað með yfir 4.000 starfsmenn og starfsemi í 173 löndum. Fyrirtækið er þekkt fyrir vörur eins og MicroStation, STAAD og AssetWise sem eru í notkun um heim allan. Bentley Systems var skráð á Nasdaq í september á síðasta ári.

Með kaupum á Vista Data Vision og áframhaldandi vöruþróun hyggst Bentley Systems festa sig í sessi sem leiðandi afl á sviði rauntímaeftirlits og interneti hlutanna fyrir byggingariðnað. VDV lausnin mun nýtast Bentley Systems sérstaklega vel í áframhaldandi þróun á iTwin lausnum fyrirtækisins sem gera fyrirtækjum kleift að samþætta allt ferli framkvæmda frá hönnun til viðhalds í eina lausn.

Posts