Posts

Ný vara Campbell – Aspen10

Campbell Scientific hefur sett á markað nýja gerð af IoT síritum sem eru mjög auðveldir í uppsetningu og eru notaðir við umhverfismælingar. Verið er að nota nýjustu tækni í gerð snjallabúnaðar IoT/Edge búnaðar þar sem einfaldleiki í uppsetningu er í fyrirrúmi.

ASPEN 10 gerir notendum kleyft að tengja umhverfismæla á netið á hraðan máta. Mælirinn er harðgerður og auðvelt að koma fyrir. Innbyggð sólarsella sem tryggir orku og endurhlaðanlegt batterí gera ASPEN10 sjálfstæðan í orkuendingu.

Fjölmargir kostir

  • Snjallbúnaður sem notar gsm fjarskiptanetið til að tengjast.
  • CAT M1 samskiptatækni (NB-IoT).
  • Sjálfvirk staðsetning á búnaði (Geolocation) til að vita nákvæma staðsetningu.
  • Innbyggð sólarsella til að tryggja orku fyrir mælingar og fjarskipti.
  • Innbyggð endurhlaðanleg rafhlaða með vara afli til eins mánaðar orku án þess að þurfa hleðslu.
  • Snjöll þekking á viðtengdum búnaði sem er tengdur.
  • Snjöll orkustýring sem tekur mið af þeim búnaði sem er tengdur.
  • Auðveld uppsetning með benslum.
  • Vatnsvörn upp að vissu marki.
  • Einfaldur On/Off rofi.
  • LED ljós sem sýna stöðu án þess að það þurfi að nota snjallasíma.
  • NFC og Bluetooth tengimöguleikar í gegnum snjallsíma til að sjá raunstöðu í gegnum CampbellGo Appið.
  • Öryggi í samskiptum með MQTT og TLS auðkenningu frá búnaðar upp í skýið.

ASPEN10 er algjör byltingu þegar kemur að uppsetningum á umhverfismælum með einfaldleika í fyrirrúmi í alla staði!

Margir notkunarmöguleikar

Veðurmælingar með ClimaVue50

Hita og rakastig með HygroVue10

Regnmælingar með RainVue10

Snjómælingar með SnowVue10

Jarðvegsmælingar með SoilVue10

Lofthitamælingar með TempVue10

Yfirborðsmælingar á vegum með Wintersense SDI12

Campbell mun bæta við fleiri möguleikum með tímanum og opna þannig á frekari möguleika til mælinga.

Apsen10 ásamt ClimaVUE50
Aspen10 frá Vista

  • Einfalt í uppsetningu í gegnum CampbellGo appið.
  • Tekur stutta stund að festa við staur eða vegg.
  • Auðvelt að sjá hvort ASPEN10 sé að virka.
  • Góð yfirsýn á gögn og staðsetningu.

Öll gögn í skýinu og appi

Öllum mælingum er safnað sjálfvirkt í Skýlausn Campbell og eru aðgengileg í gegnum CampbellCloud og CampbellGO appið.

API stuðningur til að sækja gögn inn í önnur kerfi.

Vista notar Campbell kerfið til að fyljgast með veðurstöð.

Heyrðu í sérfræðingum okkar til að vita meira! vista@vista.is

Reykjavík – Veður og loftgæðamælingar

Viðskiptavinur Vista vildi vita af veður álagi á fyrirhuguðum byggingarreit og var því sett upp veðurstöð sem á að standa í nokkra mánuði. Ætlunin er að mæla sérstaklega vindátt og vindstyrk.

Val á búnaði

Vista býður upp á leigu á veður- og loftgæðamælum, var því í þetta skiptið ákveðið að nota búnað frá AQMesh sem hefur komið vel út á Íslandi undanfarin ár. Auðvelt er að setja upp stöðvarnar og fer lítið fyrir þeim.

Um er að ræða heildalausn sem samanstendur af eftirfarandi þáttum:

  • Vindátta mælir
  • Vindstyrksmælir
  • Svifryksmælir
    • PM 2.5
    • PM 4
    • PM 10
    • PM total
  • Hita og rakamælir (RH)
  • Loftgæðamælir
    • NO
    • NO2
    • NOX
  • Innbyggðu módemi
  • 20W Sólarsella

Uppsetning gekk vel þar sem auðvelt var að koma búnaði fyrir. Notast var við forsteyptar einingar frá Íslandshús sem undirstöður og akkeri fyrir stög.

Búnaðurinn notar eingöngu orku frá sólarsellu og er gögnum safnað saman á 15 min fresti og þau send í skýlausn Vista á 6 klst fresti. Það hentaði vel í þessu tilviki að setja upp búnað með sólarsellu þar sem daginn tekur nú að lengjast og sólarstundir orðnar nógu miklar til að standa undir lausninni.

Heyrðu í sérfræðingum vista@vista.is til að fá að vita meira um lausnir og þjónustu.

Hlíðarfjall – Vindmælingar

Veður aðstæður á Hlíðarfjalli eru erfiðar og kalla á búnað sem þolir íslenskar aðstæður. Efsti hluti skíðalyftunnar Fjallkonan er í 1014 m y.s og þar getur myndast mikil ísing.
Starfsfólk Hlíðarfjalls fékk Vista til að setja upp vindnema frá Vaisala sem er búinn upphitunarbúnaði til að vinna á móti ísingu. Um er að ræða Vaisala Ultrasonic vindnema sem er með innbyggðum 240 W hitara sem tryggir að ís nær ekki að safnast upp á nemanum. Upphitaður búnaður tryggir að vindmælingar séu alltaf til staðar í efsta hluta skíðalyftunnar. Starfsmenn skíðasvæðisins geta þannig fylgst með veðri og hægt er að tryggja öryggi gesta. Veður upplýsingum er safnað með Campbell sírita og eru öll gögn gerð aðgengileg starfsfólki Hlíðarfjalls í Vista Data Vision. Upplýsingar verða svo birtar á heimasíðu Hlíðarfjalls.

 WINDCAP® Ultrasonic Wind Sensor WMT700 frá Vaisala

CR310 Datalogger frá Campbell

Veðurmælingar – Markalækur

Vista hefur sett upp mælibúnað til veðurmælinga að landi Markalæks sem stendur við Sogið. Eigandi landsins vildi fá nákvæmar veðurmælingar á landinu og var því farið í það verk að setja upp veðurmastur. Þeim veðurgögnum sem er safnað er ; Regn, loftþrýstingur, hiti og raki. Jafnframt er vindmæling (átt og styrkur vinds).

Mikilvægt var að sem minnst rask yrði á jarðvegi og var verkefnið því nokkuð vandasamt. Holur voru handmokaðar og búnaður var fluttur í höndunum á svæðið. Fengu starfsmenn Vista góða líkamsrækt við starfið. Gekk uppsetning mjög vel þar sem veður var stillt og milt.

Mælingar eru gerðar af forskript frá Veðurstofu Íslands sem þýðir að tryggja þarf rétt hæð mælibúnaðar frá jörðu. Var Veðurstofan höfð með í samráði við að ákvarða staðsetningu mastursins.

Búnaðarlisti

Við val á búnaði var ákveðið að nota búnað sem hefur reynst vel við íslenskar aðstæður og hefur margsannað sig fyrir áreiðanleika og nákvæmni. Vindmælar frá RM Young og mælibúnaður/síriti frá Campbell Scientific.

Framkvæmd

Til að tryggja stöðugt mastur þá var steypt 110 kg botnstykki sem var notað sem sökkull og mastrið fest á. Var það “smá” vinna við að koma botnstykkingu á réttan stað í mjúkum jarðveginu, þar sem frost var ekki komið í jörðu. Grafið var fyrir festum sem tengjast við vírstögunum sem tryggja stöðugleika mastursins. Auðvelt er að reysa mastrið þar sem það er mjög létt. Hægt er að taka það niður í helminga ef á þarf að halda.

1, 2 og 3 Upp fer mastrið!

Mastur komið upp og búnaður klár

Veðurgögn upp í skýið

Öllum veðurgögnum er safnað með Campbell CR310-cel215 sírita sem sendir frá sér gögn á 10 min fresti uppí skýlausn Vista (Vista Data Vision). Kerfið býður upp á marga möguleika til að birta gögn og vinna með upplýsingar.