Verkfræðistofan Vista hefur áralanga reynslu í fjargæslukerfum og hefur til þess besta fáanlega búnað. Verkefni Vista á þessu sviði eru um allt land.

Fjargæsla er það kallað þegar tækjum og búnaði er stýrt úr fjarlægð, hvort sem það er með hugbúnaði á tölvu, eða í gegnum vefsíðu. Með fjargæslukerfi má draga saman á einn stað eftirlit og stýringar, einfalda vinnuna og lækka allan umsýslukostnað.

Fjargæsla er einnig notað um sjálfvirk mælikerfi sem mæla í sífellu og skrá mælingar með reglulegu millibili. Gagnaþjónustan sækir mæligögn reglulega í mælistöðina og skráir hjá sér, og gerir mæligögnin aðgengileg notendum.