Veðurstöðvar í Finnafirði

Frá því að Verkfræðistofan Vista var stofnuð árið 1984 hefur sérþekking hennar í sjálfvirkum mælistöðvum þróast samhliða örtvaxandi tækniframförum. Verkefni sem tengjast þessari tækni eru mörg og margvísleg en veðurathugunarstöðvar hafa ávalt verið hlutur af þessum hópi. Verkfræðistofan Vista hefur hannað og þróað sjálfvirkar veðurathugunarstöðvar fyrir íslenskar aðstæður sem bæði eru áreiðanlegar og endingargóðar. Vista fékk nýverið það verkefni að setja upp og hafa eftirlit af tveimur slíkum stöðvum á Norðausturlandi en um er að ræða 10m há möstur sem mæla vindátt og hraða ásamt ýmis hitastig umhverfisins. Áhersla er lögð á að orkunotkun kerfisins sé mjög lág en notast er við sólarsellu sem er aflgjafa sem tilvalið er á afskektum svæðum.

finn-1

finn-2

finn-3

 

Uppsetning á VDV í Botswana

Stærsta demantanáma í heimi

Nýlega fékk Verkfræðistofan Vista það verkefni að setja upp hugbúnaðinn sinn (VDV) í Orapa demantanámunni í Botswana, Afríku. Orapa náman (staðsett um 550km norðan af Gaborone höfuðborg landsins) er stærsta demantanáma í heimi að flatarmáli og hóf rekstur 1971. Demantavinnsla hefur skipt Botswana gríðarlegu miklu máli sl. 4 áratugi og skila námurnar um 40% af tekjum ríkisins. Náman keypti 8x10metra háar veðurstöðvar af innlendum aðila sem vantaði hugbúnað til að birta mæligögn, sjá um viðvaranir og gefa skýrslur. Ákveðið var að senda starfsmann Vista á svæðið til að setja upp kerfið ásamt því að þjálfa starfsmenn námunnar í notkun hugbúnaðarins. Í lok nóvember flaug Andrés Andrésson út til að vinna þá vinnu.

Náman keypti 8 veðurstöðvar til að fylgjast með veðri, úrkomu og jarðvatni í kringum námuna. Rigningin getur verið mjög staðbundin svo ákveðið var að setja veðurstöðvarnar nálægt hvor annarri til að ná að mæla alla þá rigningu sem kæmi á svæðið. Með þessum mælingum er hægt að taka betri ákvarðanir með vatnsforða námunnar sem er mjög mikilvægur þar sem vatn er notað til að ná demöntum úr berginu.

 

mynd4-576x1024